المدون محجوب هلال يهاجم الاتحاد العام التونسي للشغل

‫اعلان أعلى محتوى المقال

قاموا أعوان المؤسسات والمنشآت العمومية بالاضراب عن العمل اليوم الخميس 16 جوان 2022، بقرار من الاتحاد العام التونسي للشغل ،

وانتقد المدون التونسي محجوب هلال الاضراب عن طريق تدوينة نشرها على حسابه الشخصي على الفايسبوك ، نص التدوينة:

” 1 – شركة فسفاط قفصة وحدها خرست أكثر من 55 مليون طن من الإنتاج في عشرية الخراب بما يقدر ب 65 ألف مليار و هو ما يمثل 70% من مديونية تونس و اليوم صارت تحقق ارقام قياسية في الانتاج
2 – بعد السنوات العجاف تعود تونس لتصدير الفسفاط و قريبا منجم توزر كذلك سيصبح مصدرا للفسفاط التونسي.
3 – في الثلاثي الاول من عام 2022 فائض فالميزانية يتجاوز 350 مليار
4 – منظمة السياحة العالمية : تونس بين افضل ثلاثة وجهات سياحية في العالم العربي
5 – تونس تخلص ديونها متع 2022
النتيجة ؟ هيا نعملو اضراب…….. !!!
ايا سيدي ، لازم تعرفو قبل كل شي لي تونس من اكثر البلدان المتخلفة في العالم واحنا في 2022 ، فقر ، عجز اقتصادي و تجاري و اجتماعي .. تخلف ، بيروقراطية ، السعودية من سنوات سحبت الاقلام و الاوراق وكل شي رقمي ، دول اخرى فيبالنا بيهم دول عالم نامي هاربين بينا هروب ، في 2022 مزلت كي تمشي للبوسطة و الا البلدية و الا اي ادارة تونسية تلقى صف اطول من صبرنا على حال البلاد ، في دول مجاورة تحل شركة في 24 ساعة ماغير حتى ورقة ، في تونس بش تحل شركة لازمك 6 شهر وانت تجري من ادارة لادارة وشوف شوف كان تخلط ، دول نامية تخطط و تنتج و تواكب في العصر و اتطور و تحسن في جودة عيش المواطن ، واحنا اليوم في 16 جوان 2022 تلقى ناس اتطالب بالاضراب ، يعني العام الجاي بش يجي اتعس ملي قبلو ، في 2022 كوادر الاتحاد تتمعش في الكافيار و الحوت و الكالامار و البذخ و ثلة يتبعو ريقهم شايح يصيحو و يعيطو و ماهم رابحين شي كان طعن البلاد و المواطن ، وكان طعن الاقتصاد و الاستقرار ، الاضراب حق مشروع حتى حد ماينكر هذا ولكن مش وقته واذا يجي في وقت كما هك ماينجم يكون كان اضراب سياسي بحت .. الى متى ؟ لا ادري شكون فيكم يعرف؟ انه الخراب يا سادة.”

زر الذهاب إلى الأعلى
إغلاق

تم الكشف مانع إعلانات

يرجى إيقاف تشغيل مانع الإعلانات للمتابعة