اشعلت مواقع التواصل: تدوينة المدون محجوب هلال بخصوص طعن الاستاذ

AD
‫اعلان أعلى محتوى المقال

نشر المدون محجوب هلال تدوينة اشعلت مواقع التواصل الاجتماعي بخصوص حادثة بن عروس بعد ان طعن تلميذ استاذه .. فكانت التدوينة كالتالي:

مرة نستنى في دوري عند الحجام وحذايا راجل معاه ولدو يعمل عمرو 5 سنين .. 4 سنين مايفوتش , حل السيد تليفونو حط freefire وعطى لولدو يلعب ..
برشا اولياء مايعرفوش و مايخمموش في العواقب .. انك تخلي التليفون عند طفلك لساعات ..نتفليكس و فري فاير و الكول اوف و الالعاب لي فيها العنف و القتل .. هي العاب خطيرة و مالزمش الطفل يتربى بيها ,
الالعاب هذي مسموحة وقتلي الطفل يعمل عقلو .. في الالعاب هذي الكل كاتبين عليها -12 و -13 سنة .. ولكن للحظة ال12 سنة متاعهم مش كما ال12 سنة متاعنا وهذا واقع الطفل الغربي يفوق العربي في النضج .. يعني مذابيك في 15 سنة
نفس الكلام في الالعاب كما الافلام .. الحاجات هذي تعمل تأثير كبير على مخ الطفل و تصرفاته,
بالطبيعة الاسباب هاذم ماهمش و حدهم , معاهم برشا اسباب اخرين منها تربية الوالدين لي برشا منهم شوف اذا متربين على اسس صحيحة والا لا .. واعين والا لا ؟ او عندهم الوقت الكافي بش يتلهاو بتربية صحيحة و مراقبة الطفل والا لا؟ نعرفو الناس الكل لي في تونس التوقيت الاداري مضغوط و الحياة الاجتماعية صعبة جدا و قاسية و منهكة..
العوامل هذي تنجم تخلي الوالدين قاسين في تربية اولادهم ويخلف عقد مع العوامل لي حكيتهم الفوق وعوامل اخرى تنجم تخلف الدمار لي نشوفو فيه الاعوام الاخيرة ,
ماننسواش التقلبات السياسية والاجتماعية لي تعدات على تونس من بن علي لي للثورة للمظاهرات لكل سنة رئيس حكومة والخ الخ.. يظرهلي طبيعي ان الاعوام لي تجي بعد الثورة طول مش بش تخرج اجيال مثالية .. ثمار الثورات تتقطف بعد عدة سنوات .. ان شاء الله الجاي الخير
علاش الدولة ماتنظمش دورات تكوينية تربوية اجبارية للاولياء ؟
علاش مايتمش تكثيف دور الشباب؟
علاش مايتمش تكثيف الملاعب و المركبات الثقافية الحكومية في الاحياء ؟
علاش مايتمش تطوير برامجنا التعليمية ؟
علاش و علاش و علاش ..؟
الاصلاح يبدأ من البحث الدقيق والمعمق عن الاسباب و العوامل..
ربي يشفي الاستاذ لي تم طعنه من قبل تلميذه و ان شاء الله الجاي خير اذا فم رغبة جماعية في الاصلاح
هذا رأيي كمدون مش كعالم اجتماع شكرا
محجوب هلال

زر الذهاب إلى الأعلى
إغلاق