سياسة

صابرين القوبنطيني: حجز 30 الف طن من الحديد ما ينجم يكون كان تصفية حسابات

AD
‫اعلان أعلى محتوى المقال

كتبت : صابرين القوبنطيني

حجز 30 الف طن من اكبر معمل حديد في تونس

مع العلم اللي المعمل هذا ينتج في 220 الف طن سنويا.

فماش شكون ينجم يفسرلي وين الاحتكار والا المضاربة ؟ ياخي المعمل ما عندوش الحق يستوكي انتاجه؟ ياخي الستوكاج ولا مشكلة؟؟ تي اي مصنع والا قطاع لازم يكون عندو حد ادنى مالستوك لضمان ديمومة المعمل هذاكا اولا وتوازن العرض والطلب ثانيا والستوك انواع سيدي خويا وموش مجالها توة..

ماو فمة قواعد منافسة في السوق هاذي … وفمة معدل مستوى مخزون.. اي الكمية اللي عندو الحق المعمل يستوكيها عندو حسب المعمول بيه بالنسبة للمنتوج هذاكا..

وحسب ما ريت خبراء ومختصين في القطاع يحكيو، مستوى مخزون الفولاذ في المعامل هو 60 يوم انتاج… يعني لو نحسبوا على الانتاج السنوي، يولي المخزون المسموح به 36 الف طن تقريب stock… معناها كي فخامته يغلطوه ويمشيو لمخزن يلقاو فيه اقل من مستوى المخزون العادي والمعمول به، وزيد يتم حجز ذلك المخزون وتشويه سمعة المعمل ويقولوا مضاربة واحتكار، هوني فمة مشكل…

اتساءل حقا شكون يدبر عليه؟ هل انو معامل منافسة؟ كناطرية؟ خاطر الشي هذا ما ينجمش يكون مكافحة فساد والا تطهير، وموش باش يجيب حتى شي باهي للبلاد، الشي هذا ما ينجم يكون كان تصفية حسابات وضرب للمقدرة الشرائية للتوانسة ولتوازن العرض والطلب…

بربي جاوبوني راني حرت وقريب نقطع دروس الاقتصاد والمالية والمحاسبة والقانون والجباية اللي قريتهم سنوات في احسن جامعة في تونس و باش نولي عن قريب نخمم بتفكير ادمين صفحة فايسبوك باش انجم نستوعب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

تم الكشف مانع إعلانات

يرجى إيقاف تشغيل مانع الإعلانات للمتابعة