المدون محجوب هلال: ابليكاسيون البوسطة و قل وداعا للزحمة والصفوف

AD
‫اعلان أعلى محتوى المقال

منذ سنتين تقريبا البريد التونسي نشر تطبيقة حلوة برشا برشا ولكن يمكن ضعفهم الاتصالي ماخلاوش المبادرة توصل للناس .. لذا اولا انت من هنا حاول تنشر المقال هذا بش توصل المعلومة للناس لي ممكن تستحقها


التطبيقة اسمها D17 تلقاوها في الplaystore , اولا تهز معاك نسخة من بطاقة التعريف و تشري مالبوسطة كارط مبلغها 15د اسمها EDINAR SMART وتصب الD17 تحل التطبيق وتعمر الاستمارة لي بش تربط بيها الكارطة مع الابليكاسيون
مزايا التطبيق:
تنجم تشرجي الكونط متاعك بالكارط البنكية متاعك طول ماغير ماتمشي للبوسطة وتصب فلوس ..
– تنجم تشرجي صولد في تليفونك اووريدوو تيليكوم و اورنج
– تنجم كي تجيك ماندة تحلها طول بالتطبيق وتاخو فلوسها و تنجم فرد الوقت تبعث ماندا لحد ماغير ماتشمي للبوسطة
– اتنجم تبعث الصولد لصديق او صديقة عندو كارط EDINAR من خلال التطبيقة
– الرجال المطلقين ينجمو يخلصو النفقة من خلال option اسمها NAF9A
– اتنجم تخلص فاتوراتك SONDE و STEG و TUNISIE TELECOM وبرشا حاجات اخرين
– اتنجم تعمر استمارة تمويل المشاريع الصغرة و تبعث مطلب من خلال التطبيق فقط
وبالطبيعة اي عملية تقوم بيها تتقيد في ال JOURNALd 17 بش حتى حق مايضيع
حاجة اخرى لو فرضنا انك تلزيت بش تمشي للبوسطة وتكون خايف وماعينكش في الصف لا لا انساه الصف اتصب تطبيقة اسمها Tn.Post تلقاها في البلاي ستوري اتقص TICKET من دارك واتبع حتى قدا من شخص مزال قدامك لحظة بلحظة وهكا تتفادى الصف والزحمة.

حاجة هايلة برشا تستحق نحكي عليها بارطاجي وشكرا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق